लैंगिक तथा यौनिक अल्पसंख्यक समुदायका व्यक्तिहरूले फरक तरिकाले गाईजात्रा मनाएका छन्। मंगलबार दिउँसो ठमेलस्थित सञ्चय कोष भवनअगाडि भेला भएका तेस्रोलिंगी, अन्तरलिंगी, समलिंगी समुदायका व्यक्तिहरूले गौरव दिवस (प्राइड डे)का रूपमा गाईजात्रा मनाएका हुन्।
गाईजात्राका क्रममा उनीहरूले सांस्कृतिक पहिरन तथा बाजासमेत प्रस्तुत गरे। यौनिक तथा लैंगिक अल्पसंख्यक समुदायका व्यक्तिहरूले फरक ढंगले मनाएको कार्यक्रम हेर्न आउने पर्यटकहरू झुम्मिएका थिए।
